Establecer un novo modelo de gobernanza e xestión do turismo en Santiago de Compostela no marco dunha sociedade aberta na que participan outras entidades públicas e privadas, a cidadanía, os visitantes e outros territorios.

Contribuir á reconstrución económica e social do turismo na cidade a través da diversificación de produtos; ampliar públicos obxectivos e mercados; e desestacionalizar e impulsar o desenvolvemento do emprendemento e o capital humano do sector con iniciativas baseadas na sostibilidade, a innovación e a incorporación de tecnoloxía.

Darlle profundidade, calidade e variedade á oferta da cidade, mellorar a experiencia turística e aumentar a estancia media dos visitantes.

Afondar na conservación e no coñecemento do patrimonio, nos seus compoñentes e na súa estrutura relacional, nun contorno de funcionalidade contemporánea.

Reforzar o Camiño de Santiago como vínculo para a universalidade de Santiago de Compostela.

Facilitar a transición ecolóxica do sector turístico.